Athletic Club - Villarreal CF

Athletic Clubek 3 Vila-realek 2

Athletic Clubek 3-2 irabazi dio Vila-real CF taldeari Kopako final zortzirenetako joaneko partidan San Mamesen. Iñaki Williams, Aduriz eta Laporte golegileak izan dira, guztiak bigarren zatian, Leo Baptistao eta Samuel Garciak lehen zatian egindakoak gainditzeko.

Partida ederra jokoari begira eta baita ona emaitzari begira, atsedenaldian bisitariek zero eta biko abantaila baitzeramaten, egindakoari etekina paregabea atereaz.

Gure taldeak ekimena eraman du, baina atea aurrean asmatu barik. Bigarren zatian Athleticek jo eta ke segitu du eta golak heldu dira kanporaketa bizirik utziz. Ea gainditzerik dagoen astebete barru Vila-realen.

Bitartean, beste borroka latza dugu zain, larunbat honetan bertan Sevilla FC taldearen aurka Ligari dagokion lehen itzuliko azken partidan.