FC Basel - Athletic Club

FC Baselek 3 Athletic Clubek 2

Athletic Clubek 3-2 galdu du FC Baselen aurka. Sabin Merino eta Kike Sola golegileak izan dira.

Zurigorriek ondo ekin diote denboraldi-aurreko lehendabiziko lehiari, baina suitzarrek erritmo gehiagorekin nagusitu dira Balenziagak txartel gorria ikusi duen arte, baloia eskuz atepean mozteagatik. Golaren ostean ondo erreakzionatu du gure taldeak, baloi bat langara bidaliz eta berdinketa lortuz Sabin Merinoren bitartez.

Bigarren zatian talde osoa aldatu da eta hasi bezain laster Solak egin du bat eta bikoa. Binakoa egin du Baselek eta ondoren Etxeitak aukera paregabea izan du, baina bere burukada atzelari batek atepean atera du. Zoritxarrez korner batean, partidaren azken txanpan uztailaren 22ko asteburuan Ligari ekingo dion txapeldun suitzarrak hirugarrena egin du.