Atlético de Madrid VS Athletic Club 2018-11-10 | Athletic Clubeko Webgune Ofiziala
12. Jardunaldia

Atlético de Madrid3 : 2Athletic Club

Thomas61'
Rodrigo80'
Godín91'
Williams36'
Williams64'
Bertaratzea59.029
Laburpen bideoa
Estadioa
Wanda Metropolitano
Herria
Madrid
Data
10/11/2018
Ordua
18:30
Data eta ordua
2018-11-10 - 18:30

Nagusi jokoan, galtzaile markagailuan

Athletic Clubek 3-2 galdu du Atletico Madrilen aurka Wanda Metropolitano futbol zelaian. Iñaki Williamsek egin…

2018ko aza. 10a

Athletic Clubek 3-2 galdu du Atletico Madrilen aurka Wanda Metropolitano futbol zelaian. Iñaki Williamsek egin du partidako gure gol biak. Aitzitik, Thomas, Rodri eta Godin izan dira etxekoen golegileak.

Futbola horrela da. Bagenekien, baina mingarria da partida bat horrela galtzea, are gehiago gauden egoeratik atera nahian gabiltzala eta joko ona egin eta gero aspalditik futboleko goi mailan dagoen talde baten aurka, emaitzak emaitza.

Eutsi lehen minutuetan, pixkaka partidaren ekimena hartu eta, jada aurretik markagailuan (denboraldi honetan atsedenaldira abantailarekin joan gara Real Madrilen aurka, FC Bartzelonaren aurka eta gaurkoan), bigarren zatian gehiagoren bila joan, emaitza edozein zela ere. Unerik onenetan lehenengo berdinketa heldu da eta berehala erreakzionatu du taldeak, baina azken txanpan estrategiak eta epailearen eztabaidarako erabakiren batek lan on guztia zapuztu dute.

Amaieran txanpona behar ez genuen aldetik erori da, baina beti ez da horrela izango. Orain geldialdi berri bat, hilaren 25era arte San Mamesen Getafe CF-ren aurka jokatzeko. Partida horretan ez da egongo Yuri Berchiche, bere bosgarren txartel horia gehi gorri bat ikusi eta gero.