Athletic Club VS SD Eibar 23/2/2019 | Athletic Clubeko Webgune Ofiziala
25. Jardunaldia

Athletic Club1 : 0SD Eibar

Raúl García1'
Bertaratzea43.363
Laburpen bideoa
Estadioa
San Mamés
Herria
Bilbao
Data
23/02/2019
Ordua
20:45
Data eta ordua
23/2/2019 - 20:45

Zapalgailu bat bezala derbya justiziaz erdiesteko

Athletic Clubek 1 SD Eibarrek 0

23 de feb. de 2019

Athletic Clubek 1-0 irabazi dio Eibar Kirol Elkarteari San Mamesen. Raul Garciak, partidako lehen minutuan, egin du gaueko gol bakarra. “Esaera Zaarren bilduma berrian” liburuan esaten den legez: ”Gure Jaungoikoa, bat bakarra ta bera naikoa”, Athleticek gol bakarra behar izan du derbyaren hiru puntuak erdiesteko.

Eta merezimendu osoz egin du. Demagun abantaila itzela dela lehen minutuan markagailuan aurretik ipintzea eta, jakina, horrela da. Dena den, partida ia osoan, bigarren zatiko hogei minutu inguru kenduta, Athletic zapalgailu bat izan da, erritmoari eutsiz, lan eskerga eginez eta arerioa baino aukera gehiago sortuz.

Golaren ostean ez du arrisku gehiegirik jasan Athleticek eta aukera on bi izan ditu, batez ere Beñaten jaurtiketa bat zutoinera. Bigarren zatian antzeko gertatu da. Eibarrek aukera ona izan du nahi gabe aurrelari batek, Enrichek hain zuzen ere, zapuztu duena eta, ostera be, garbienak zuri-gorriak izan dira, azken txanpa nolabaiteko lasaitasunez bizitzeraino.

Jaitsiera urrunago dago (33 puntu jada) eta behin betiko aldentzeko irteera zaila bezain interesgarria daukagu hurrengo asteburuan, Valentzia CF-ren zelaira konkretuki. Ea boladari eusten diogun: golik ez hartu eta asko zenbatu.