Real Valladolid CF VS Athletic Club 2019-5-5 | Athletic Clubeko Webgune Ofiziala
36. Jardunaldia

Real Valladolid CF1 : 0Athletic Club

Waldo21'
Bertaratzea22.151
Laburpen bideoa
Estadioa
José Zorrilla
Herria
Valladolid
Data
05/05/2019
Ordua
18:30
Data eta ordua
2019-5-5 - 18:30

Europar sailkapena borrokatu beharko

Real Valladolidek 1 Athletic Clubek 0

2019ko mai. 5a

Athletic Clubek 1-0 galdu du Real Valladoliden aurka Nuevo Zorrilla futbol zelaian. Waldok, lehen zatian, partidako gol bakarra egin du.

LaLiga amaitzeko jardunaldi bi falta dira eta oraindik hiru puntuko aldea daukagu, baina jada hiru dira atzetik etortzen diren taldeak eta borroka latza egongo da toki horren bila.

Gaurkoan ere borroka latza zen, guretzat eta etxekoentzat, Lehen Mailan segitzea baitzuten jokoan. Eta lehen minutuetan antzeman da, Real Valladolid nagusi izan delako, zelaiko leku guztietan eta jokoaren arlo guztietan. Bazirudien partida orekatzen ari zela, baina Waldok izugarrizko gola egin du partida hankaz gora ipintzeko.

Muniainek aukera paregabea izan du atsedenaldira heldu baino lehenago, baina burukada langa gainetik joan da. Ez zirudien berdinketa justua zenik, baina bigarren zatian, aldiz, abagunerik garbienak gureak izan dira. Tamalez San Josek, Raul Garciak edota Nuñezek (burukada zutoinera) izan dituztenak ez dira gol bihurtu eta esku hutsik itzultzen gara etxera.

Onena, zalantzarik gabe, Pucelaraino hurbildu diren 2.000 zale zuri-gorrien presentzia eta sostengua izan da.

Halaber, Aritz Adurizek bere 300.garren partida jokatu du zuri-gorriz LaLigan.
Arestian esan dugun bezala, aukera bi dauzkagu aurretik europar sailkapena lortzeko eta lehena igandean, ordutegi bateratuan, 18:30ean, San Mamesen Real Celtaren aurka izango da.