Granada CF VS Athletic Club 2020-7-19 | Athletic Clubeko Webgune Ofiziala
38. Jardunaldia

Granada CF4 : 0Athletic Club

Soldado28'
A.Puertas55'
Carlos Fernández67'
Montoro93'
Laburpen bideoa
Estadioa
Nuevo Los Cármenes
Herria
Granada
Data
19/07/2020
Ordua
21:00
Data eta ordua
2020-7-19 - 21:00

Amaiera tristea Granadan

Athletic 4-0 jipoitua izan da Los Carmenesen denboraldiko agurrean

2020ko uzt. 19a

Athleticek 4-0 galdu du Granadan denboraldi amaiera triste batean. Andaluziarrak lehen aldiz sartu dira Europan eta ederki ospatu dute soropilan, lehoiak sailkapenaren erdialdean geratu diren bitartean.

Gaizka Garitanoren taldea agintzen hasi zen presio handia eginez, eta norgehiagokaren lehen aukera paregabea izan zuen. 11. minutuan Cordobaren jokaldi bikain batek Villalibre eta Rui Silva aurrez aurre jarri zituen. Baloia portugaldarraren hanken azpitik jartzen saiatu zen baina lortu gabe.

Lehoiek ez zuten estualdirik atzean, baina pase txar batek Soldadori aukera eman zion buruz burukoa egiteko. Eta noski, Granadako aurrelariak ez zuen barkatu; Herrerinen irteera gainditu zuen baloia pikatuz. Vesgak min hartuta zelaia utzi behar izan zuen, eta haren ordez zelairatutako Unai Lopezek bigarren eta azken aukeraz gozatu zuen atsedenaldira heldu aurretik. Hala ere, Rui Silvak neurriz gorako geldiketa batekin urrundu zuen.

Bigarren zatia askoz kaskarragoa izan zen. Etxekoek kontraeraso eta akats bakoitzean gogor jo zuten Athletic, Puertas, Carlos Fernandez eta Montororen golekin. Athleticen aldetik, Raul Garciaren bi saiakera baino ez ziren azaldu, eta Williamsen akzio bat Rui Silvak bikain gelditu zuen.

Denboraldi amaiera etsigarriak hamaikagarren postuan utzi du Athletic, Real Sociedaden aurkako Kopako finala jokatzeke dagoen arren.