Athletic Club VS Atlético de Madrid 2022-4-30 | Athletic Clubeko Webgune Ofiziala
34. Jardunaldia

Athletic Club2 : 0Atlético de Madrid

M. Hermoso8'(b.a.)
Williams55'(p.)
Bertaratzea43.398
Laburpen bideoa
Estadioa
San Mamés
Herria
Bilbao
Data
30/04/2022
Ordua
21:00
Data eta ordua
2022-4-30 - 21:00

Garaipen bikaina Atleticoren aurka Europara hurbiltzeko

Lehoiek 2-0 irabazi diote Simeoneren taldeari Iñaki Williamsen bi jokalditan eta puntu bakarrera dute Villarreal

2022ko api. 30a

Athletic Clubek garaipen handia lortu du San Mamesen Atletico Madrilen aurka (2-0) harrotasunez betetako San Mamesen. Iñaki Williamsen bi jokaldik, batean Hermosok sareetara desbideratua eta bestean Muniaini egindako penaltia lasaitasunez jaurtia, lehoiak puntu bakarrera jarri dute Villarreal, hots, Europarako sailkapena.

Marcelinok zuzentzen duen taldearen kolpe handia izan da; izan ere, bete-beteko partida jokatu du zuri-gorrien mamu beltza izatetik aurtengoan lehoiei partida bat ere ez irabaztera pasa den aurkariaren kontra. Berdinketa Wandan eta merezitako bi garaipen Superkopan eta LaLigan. Athletic letra larriz lehiatzen den taldea da, batez ere San Mameseko gotorlekuan handien aurrean.

1-0ekoa 8. minutuan iritsi da: Iñaki Williamsek gorputzarekin Gimenez lurrera bota ostean, Hermosok aurrelari zuri-gorriaren baloi-bidalketa desbideratu du. Iñakik protagonismoa hartu du beste jokaldi batean haren erdiraketa zutoinera bidalita. Lehen zatiko azken txanpan, Kondogbia eta Carrascoren abaguneekin beldurtu du Atleticok.

Bigarren zatian, Simeoneren taldeak estutu du Griezmannen falta Simonek langara desbideratuta, baina berehala iritsi da 54.ean Herrerak Muniaini egindako penaltia, Iñaki Williamsek leunki sartua. Oblakek hirugarrena eragotzi du geldiketa bikoitz batekin eta Athleticek atzean babesten jakin du, Correak zutoinean jo arren. San Mamesek koru-musika egin zion taldeari, eta dagoeneko beste jarraitzaile bat dauka, hain zuzen ere txundituta geratu den Jennifer Zietz, atsedenaldian Erika Vazquez mitikoaren eta Daniela Agote harrobiko jokalariaren eskutik One Club Woman saria jaso duen jokalari ohi alemaniarra. Gau biribila, eta Valenciaren bila orain zazpi egun barru.