Atlético de Madrid - Athletic Club

Athletic heroikoak, erresistentzia izugarria erakutsita, 0-1 irabazi du finalerdietako joaneko partida Metropolitanon. Abantaila du San Mameserako, eta bertan finalerako txartela erabakiko da. Itzulerako partida izugarria geratzen da, baina Berenguerren gola, Pradosi egindako penaltiaren ondoren, sekulako altxorra da.

Asko sufritu behar izan da. Nola ez. Mila bat zalek lagunduta, eta une latzetan Julen Agirrezabala bikain bati esker, Athleticek partida Atleticori irabazi dio, talde honek 2023ko urtarriletik porrota ezagutu ez zuen estadioan.

Atleticok boladaka jo du, kosta egin zaie lehoiei lasaitzea, baina ordu laurdenera gauzak ondo egiten hasi dira, eta 21. minutuan, Guruzetaren nabarmenkeria batek, Beñat Pradosi emandako pase batean, Reinildoren penaltia eragin du. Berenguerrek Oblak engainatu du eta Athletic 0-1ekoaz iritsi da atsedenaldira. Gero, Berenguerrek beste mehatxu bat egin dio Oblak atezainari.

Bigarren zatian, Simeoneren taldeak gogor aritu da erasoan. Linoren aukerak izan ditu, baita Correarena ere baina Lekuek salbatu du ateko marraren gainean... Unai Gomezek 0-2koa egiteko aukera ere izan du, baina Oblak-ek desbideratu du eta Villalibrek ez du gutxigatik baloia sareratu. Azken momentuan ezustekoa egon da, baina VARek etxekoen alde erabakitako penaltia bertan behera utzi du. 16 lehoi handien garaipena izan da.