Athletic Club - Rayo Vallecano

Athletic Clubek 1 Rayo Vallecanok 2

Athletic Clubek lehen itzulia porrotarekin amaitu du Rayo Vallecanoren 1-2 galdu ostean. Zurigorriek aurreko partidetan baino joko eta aukera gehiago pilatu dute, baina une erabakigarrietan ez dute zorte gehiegirik izan futbolaren inguruan biltzen diren beste elementurekin. Bigarren zatiaren hasieran Lassek, kontraeraso azkar bat aprobetxatuz eta Piti, inolaz ere izan ez den penalti baten bitartez, erronka gogortu dute. San Joseren golak ezin izan du porrota ekidin, azken txanpan aukerak egon badira ere.

Lehen zatian talde biek metro bakoitza borrokatu dute, goian ongi presionatuz, ekimena gurea izan bada ere. Joera mantenduko zelakoan zelairatu dira talde biak, baina zero eta batekoaren ostean bisitarien unerik goxoenak heldu dira eta gauzak gehiago okertu dira epaileak areaz kanpo, gertatu den tokian, seinalatu duen falta laguntzaileak penalti bihurtu duenean. Hanka-sartze izugarria eta bi gol behetik. Taldeak erreakzionatu du, baina langa, atezaina edo punteria falta zirela medio, partidari buelta ematea ezinezkoa izan da.

Ea urtarrilaren 21ean, Sevillan Betisen aurka, hiru porrot jarraian ahazteko abagunea daukagun. Bertan San Jose ez da egongo bosgarren txartel horia ikusi eta gero. Bitartean taldeak hamalaugarren postuan segitzen du.