Real Betisek 1 Athletic Clubek 1

Athletic Clubek berdinketa batekin ekin dio bigarren itzuliari, sailkapenean laugarren dagoen Betisen aurka bana egin ondoren. Ruben Castrok, penaltiz lehen minutuan, eta Adurizek, lehen zatiko azken txanpan neurketako golak egin dituzte.

Zurigorriek gehiago merezi izan dute eta minutuak aurrera joan ahala joko eta zentzazioak berreskuratzen joan dira, baina sortutako aukerek eta nagusitasunak ez dute gol kopurua handitzea lortu. Gure taldeak arerioa baino abagune franko izan du, eta etxekoek, batez ere bigarren zatian, estrategiako jokaldien aldeko apustu garbia egin dute, epaileari eskatzeaz gainera, batez ere Herrerak eskuarekin jo duen baloi batean.

Amaieran puntu banaketa eta jada burua ipinita igandean sailkapeneko bigarrenaren aurka San Mamesen zain daukagun erronka. Gaurkoa bidea da, baina helmugaraino zeharkatu beharrekoa.