Athletic Club - Valencia CF

Athletic Clubek 1 Valentziak 0

Athletic Clubek Iruñean hasi zuen bolada onari eusten dio, eta markagailu berberarekin gainera, oraingo honetan goian dabilen Valentzia 1-0 mendean hartu baitu San Mamesen lehendabiziz goizez jokatu den lehian, partida amaitzeko hamar minutu falta zirela Iker Muniainek lortu duen gol onari esker.

Gure taldea gehiago izan da lehen zatian. Bigarrenean aldiz, bisitarien aukera gehien eta nabarmenenak heldu dira baina azken finean, majo sufrituta ere, puntuak etxean geratu dira eta jada hogeita hamabi dira pilatzen direnak, baina oraindik lan eskerga egin beharko da erabateko lasaitasuna izateko. Bigarren astez jarraian golik ez da jaso, aurtengo Ligan zortzigarrenez.

Hurrengo hitzordua martxoaren 16an, larunbatean, 18:00etan, Getafen izango da. Horretarako ez da txartelengatiko bajarik egongo, nahiz eta jokalari asko mehatxupean egon arren. De Marcos, Iturraspe, Gurpegi, Laporte eta Amorebieta dira launa txartel hori daukatenak.