Athletic Club - Levante UD

Athletic Clubek 0 Levante UD-k 1

Athletic Clubek 0-1 galdu du Levanteren aurka egungo San Mameseko historian lehiaketa ofizialeko azken partidan, lehen taldearentzat behinik behin. Juanluk egin du gol bakarra bigarren zatiko luzapenean, nahiz eta partidaren ekimena zurigorria izan, hamaika eta hamar jokalarirekin geratu denean ere, Muniaini txartel gorria atera baitiote. Dena den sakontasuna falta izan zaio gure taldeari eta porrotarekin batera europar lehiaketetarako txartela eskuratzeko borrokan zeuden aukera apurrak desagertu egin dira.

Gutxienez, agur hunkigarria eskaini zaio San Mames zelaiari zale eta gure harrobiko jokalari guztien eskutik, 100 segundoko txalo zaparrada, malkoak eta sentimenduak azalean, baina oraindik Bilbao Athleticeko partida bat, ekainaren 2an 12:00etan eta betiko azken norgehiagoka Bizkaiko selekzioaren aurka ekainaren 5ean.