Atlético de Madrid - Athletic Club

Atletico Madrilek 1 Athletic Clubek 0

Athletic Clubek 1-0 galdu du Atletico Madrilen aurka Kopako final laurdenetako joaneko partidan. Godinek egin du gol bakarra lehen zatiaren azken txanpan.

Partida ez da oso ona izan eta abaguneak gutxi izan dira. Aipatzekoa da ere Diego Costak bigarren txartel horia ikusteko merezimenduak egin dituela, baina epaileak ez du horrela ikusi. Azkenik, aurreko kanporaketetan gertatu zitzaigun bezala San Mamesen irauli egin beharko da. Bat eta zerokoa ez da emaitza ona atzean sendo dagoen arerioaren aurka, baina emozioa ziurtaturik dago datorren asteazkenean.

Tartean ez da erronka makala igandean Iruñean daukaguna, CA Osasunaren aurka hain zuzen ere.