Panathinaikos - Athletic Club

Panathinaikosek 2 Athletic Clubek 3


Athletic Clubek 2-3 irabazi dio Panathinaikos FC taldeari Apostolos Nikolaidis futbol zelaian. Adurizek (2) eta De Marcosek egin dituzte gure taldearen golak Lodek eta Cabezasek aurretik egindakoak ezerezean uzteko.

Emaitzak jokoa gainditu du gaurkoan, batez ere partidako lehen ordubetean ikusitakoa kontuan hartuta, baina partidak, eta kanporaketak, luzeak dira oso eta halaxe gertatu zaio talde greziarrari. Lehen zatian jaun eta jabe izan dira eta zuri-gorriek ez dute agindu zelaian, nahiz eta gola etxekoen lehen aukera garbian heldu den.

Bigarren zatian hobeto zelairatu da Athletic, baina berehala heldu da bi eta zerokoa eta hortik aurrera gure taldeak arriskuan zegoen sailkapena alde jartzeko berebiziko ahalegina egin du, eta baita fruitua lortu ere sei minutuko ekaitza perfektuaren bitartez. Adurizek buruz, De Marcosek boleaz eta Adurizek berak penaltiz San Mameserako utzi dituzte etxerako lanak, baina ongi bideraturik play-off gainditzeko asmoz.

Tartean Getafe datorkigu bisitari aurtengo denboraldiko Ligari ekiteko Aste Nagusiaren lehen asteburuan. Horrek ere xarma berezia emango dio San Mameseko hitzorduari.