Girona FC VS Athletic Club 2019-3-29 | Athletic Clubeko Webgune Ofiziala
29. Jardunaldia

Girona FC1 : 2Athletic Club

Stuani37'
Williams53'
Raúl García59'
Bertaratzea10.652
Laburpen bideoa
Estadioa
Montilivi
Herria
Girona
Data
29/03/2019
Ordua
21:00
Data eta ordua
2019-3-29 - 21:00

Berrogei…eta gora begira

Athletic Clubek 1-2 irabazi dio Girona FC taldeari Montilivi futbol zelaian. Iñaki Williamsek eta Raul Garciak egin dituzte gure taldearen golak bigarren zatian.

2019ko mar. 29a

Athletic Clubek 1-2 irabazi dio Girona FC taldeari Montilivi futbol zelaian. Iñaki Williamsek eta Raul Garciak egin dituzte gure taldearen golak bigarren zatian eta Stuanik lehen zatian egin duena gainditzeko. Jada berrogei puntu pilatu ditu Athleticek eta gora begira dago. Gainera kontrako markagailu bat irauli du eta etxetik kanpoko garaipenaren zaporea berreskuratu du.

Gaurkoan hasiera ona izan du taldeak eta lehen hogei minututan kontrolpean izan du partida. Dena den, lehia zabaltzen joan den heinean etxekoek gero eta sakontasun gehiago lortu dute. Joan-etorriak ugaritu egin dira eta azken txanpan, 37’ minutuan Stuanik buruz bere arriskuaren aztarna utzi du bat eta zerokoa ezarriz.

Bigarren zatiaren hasiera ona izan da, eta zuri-gorriek hor erabaki dute lehia: zortzigarren minutuan Yuriren erdiraketa bat Williamsek buruz sareetara bidali du eta hortik oso gutxira Williams izan da erdiratu duena Raul Garciak, buruz ere, Iraizoz gainditzeko.

Hortik amaiera arte urdinez jokatu dutenek aukerarik garbienak izan dituzte, azken pasean asmatu barik. Dani Garciak zelaia utzi behar izan du, lesionaturik, eta Girona baloi loratuen bitartez saiatu da, baina alferrik, lan bikaina egin baitugu defentsan. Ea asteazkenean Levanteren aurka boladari eusten diogun.