Athletic Club VS RCD Espanyol 2019-10-30 | Athletic Clubeko Webgune Ofiziala
11. Jardunaldia

Athletic Club3 : 0RCD Espanyol

Muniain4'
Muniain16'
V.Gómez78'(b.a.)
Bertaratzea37.094
Laburpen bideoa
Estadioa
San Mamés
Herria
Bilbo
Data
30/10/2019
Ordua
20:00
Data eta ordua
2019-10-30 - 20:00

Muniainen aginduetara, Athletic nagusi

Jokalari nafarrak zuri-gorrien hiru golak eragin ditu Espanyol mendean hartu eta San Mameseko ilusioa berpizteko

2019ko urr. 30a

Gau bikaina Katedralean. Espaynoli 3-0 irabazita, bolada txarrarekin bukatu eta ilusioa berpiztu du Athleticek San Mamesen. Muniainek bi gol egin eta hirugarrena eragin du, Athletic Europako postuetatik hiru puntutara uzteko.

Zuri-gorriek ederto hasi dute norgehiagoka eta 16. minuturako 2-0 aurretik ziren markagailuan. Lehenengo gola Raul Garciaren lehia on baten ostean iritsi da: kapitaina azkar ibili da aldaratzea haertu eta baloia ondo sareetara bidaltzeko.

Gaizka Garitanok ezustean harrapatu du Machin: Raul Garcia aurrean, Muniain bere atzean eta Williams hegalean jarri du entrenatzaileak. Bigarren gola Muniainek area kanpotik errematatutako bolea bikain baten ondoren iritsi da. Diego Lopezek ezin izan du nafarrarren parabola gelditu.

Espanyolek minduta hasi du partida, baina hala ere, ez du amore eman eta markagailuan hurbiltzeko aukerak izan ditu lehenengo zatian. Epaileak Bernardok buruz egindako gola baliogabetu du, jokoz kanpo argiagatik, eta Unai Simonek geldiketa bikaina egin dio David Lopezi. Oblaken geldiketak ekarri ditu gogora Simonek.

Zuri-gorriek 3-0 lortzeko aukera ona izan dute bigarren zatia hasi eta berehala. Muniainek abiatu du jokaldia, Raul Garciak erdiratu eta Kordobak eskuinarekin errematatu du baloia, baina Diego Lopezek ondo gelditu du. Garitanok San Jose zelairatu du Unai Lopezen ordez, erdigunea sendotzeko asmoz.

Athletic galopan hasi da eta lEspanyolek amore eman du. Iñigo Martinezek ateratako falta batean heldu da hirugarrena: baloia Capari eman, Kordobak baloia utzi eta Muniain indarrez sartu da. Victor Gomez traba egiten saiatu da eta azkenean bere atean sartu du gola. Ikerren gaua izan da, eta txalo zaparrada handi batekin utzi du berdegunea. Celtaren aurka Kopan erakutsi zuen gol-gosea erakutsi du gaur nafarrak. Perikitoek aukera bakarra izan dute partida bukatu baino lehen, baina Unai Simonek ondo gelditu du Wu Leirekin izan duen buruz burukoa.