Vila-real VS Athletic Club 2020-12-22 | Athletic Clubeko Webgune Ofiziala
15. Jardunaldia

Vila-real1 : 1Athletic Club

Yeremy74'
Williams19'
Laburpen bideoa
Estadioa
Estadio de la Cerámica
Herria
Vila-real
Data
22/12/2020
Ordua
22:00
Data eta ordua
2020-12-22 - 22:00

Berdinketa sutsua Madrigalen

Lehoiak Iñaki Williamsen golarekin aurreratu dira, baina Yeremy Pinok partida bukatzeko ordu laurden bat falta zela berdindu du

2020ko abe. 23a

Athletic Clubek bana berdindu du Madrigalen, Iñaki Williamsek lehen zatian sartutako golarekin, eta Yeremy Pinoren gola jaso du ordu laurden bat falta zela. Emaitza justua izan da. Bigarren zatian Unai Emeryren jokalariek Gaizka Garitanoren taldeari gauzak estu jarri zizkiotenean, zuri-gorriek ondo eutsi zioten. Athletic bederatzigarren postuan dago eta sailkapenean gora begira, urteko azken egunean Real Sociedad etxean hartu aurretik.

Norgehiagoka zaila izan zen, espero zen bezala. Unai Simonek Fer Niñori egin ez zion penaltia berrikusi zuen, eta lehoiek Williamsen jaurtiketa batekin abisatu zuten, Vencedor gogotsuren pase on baten ostean. Lau minutu geroago, 19. minutuan, 0-1ekoa iritsi zen. Yurik Iñaki Williams ikusi zuen abiadura posizioan eta honek Asenjoren hanka azpitik baloia sarera bidali zuen.
Ruben Peñak abisua eman zion Simoni, baina iaz zelai horretan gertatu bezala atezaina bikain aritu zen. Eta Vesgak, urdail-minez, Yuriren erdiraketa buruz ondo errematatu zuen. Bigarren zati osoa geratzen zen, eta atezain zuri-gorriak Fer Niño eta Gerard Morenoren eskuz eskukoak gelditzea lortu zuen. Villarrealek denarekin bultzatu zuen, eta Simonek berriro geldiketa paregabea egin zuen etxeko aurrelari handiaren aurrean.

Jokaldi gakoa 62. minutuan egon zitekeen, Caparen baloi lapurreta batean, Berenguerri erdiraketa diagonala eginda, eta epaileak ikusi ez zuen arren, Pauek buruz kornerrera atera zuen baloi gurutzatua. Yeremy Pinoren zelairatzeak min egin zuen: zutoinean jo zuen eta jarraian berdinketaren gola egin zuen bigarren zutoinean.

Athletic ez zen beldurtu. Garaipenaren bila joan zen eta ia bere atean sartu zuen Albiolek Yuriren erdiraketa pozoitsu batean. Halaber, luzapenean Morcillok ere izan zuen garaipenaren gola bere oinetan; Asenjo atetik kanpo zegoen baina baloia eskuin eskuaz ateratzeko gai izan zen. Getafek, Valentziak eta Villarrealen zelaietan garaipena lortzeko zorian egon gara. Ildo horretatik jarraitu behar dugu.