FSV Mainz 05 - Athletic Club

Athletic Clubek bana berdindu du 1-FSV Mainz 05 taldearen aurka eta sentsazio onekin itzuliko da Bilbora. Garaipenak ihes egin dio azken jokaldian Fernandesen gol batekin, Nico Williamsen gol ederra orekatu baitu. Prestaketaren aldeak, Bundesliga hamaika egunetan hasten baita, eta duela bi egun Bochumen aurka jokatu izanak, erritmoan zaildu die norgehiagoka lehoiei.

Alemaniako birako azken lagunartekoa 30 minutuko lau zatitan banatu da, futbolariei zama handiagoa emateko. Hasieratik ikusi da Mainz, aurreko Bundesligako zortzigarrena, aurkari zailagoa izango zela, fisikoki ahaltsuagoa eta kontraerasoan geldiarazteko zaila.

Valverdek Morcilloren aldeko apustua egin du atzealdeko ezker hegalean eta Petxarromanek euskarri gisa jokatu du. Ezkertia partidako lehen abagune garbian agertu da, Iñaki Williamsen erdiraketa baten ondoren. Bere errematea Zentner atezainak aldaratu du. Jokoz kanpo egoteagatik Borkardt etxekoari baliogabetutako gol batekin erantzun dute etxekoek.

0-1ekoa 40. minutuan iritsi da. Williams anaien konexio baten ostean, Nicok jaurtiketa bikain bat atera du area ertzetik. Handik gutxira, Iñakik Morcilloren erdiraketa neurtua jarri du zutoinean.Mainzek asko estutu du lagunartekoaren bigarren zatian. Mustaphak ezkerkada bat bidali du Iruren zutoinera, eta honek geldiketa ona egin du gero. Guruzetak, 94. minutuan, etxeko atezaina kinka larrian jarri du. Eta azken laurdenean, Padillak talde alemaniarraren erasoak eutsi ditu geldialdi batekin. Adu Aresek eta Luis Bilbaok amaitu dituzten bi kontraerasok epaia eragotzi dute eta berdinketari bide eman diote Fernandesen azken errematearekin.