Athletic Club - Real Betis

Athletic Clubek 3-Real Betis Balompiek 5

Athletic Club 3-5 galdu du Betisen aurka 2012-2013 denboraldiko Ligari ekiteko. De Marcos eta San Joseren golak (2) ez dira nahiko izan Ruben Castro, Molina (2) Beñat eta Pozueloren golen aurrean.

Lehen ordu erdian bisitariak 0-3 aurretik ipini dira, iazko denboraldiko partida bailitzan, izan duten abagune guztiak eta etxekoen gabeziak aprobetxatuz. Bigarren zatian, aldiz, ordu erdian ere, zurigorriek hiru gol lortu dute, De Marcosen gol bikaina eta San Joseren burukada bi korner pare baten ostean, baina azken txanpan andaluziarren eraginkortasuna erabatekoa izan da eta puntuak Sevillarantz abiatu dira.

Pena bat, taldearen grina eta jokoa eta zaleen portaera bikaina primeran batu dielako zertxobait gehiago eskuratzeko. Hurrengoan izan beharko, baina bitartean europar helburua sendotzeko pausoa eman beharko dugu ostegunean San Mamesen HJK-ren aurka.