Málaga CF - Athletic Club

Malaga CF-ek 1 Athletic Clubek 0

Athletic Clubek 1-0 galdu du Malagaren aurka. Saviolak 18. minutuan egin du partidako gol bakarra Piazonen erdiraketa hala moduz errematatu eta gero. Denboraldi honetako beste partida batzuetan gertatu den legez, gure taldeak merezimenduak egin ditu punturen bat urratzeko, baina errematatzean ezin izan du Willy Caballeroren lana gainditu eta egin duenean epaileak ahalegina ez du legezkotzat jo.

Gauzak horrela helbururik gertuena Realaren aurkako partida irabaztea da beheko postuetatik alde egin ahal izateko. Lehia horretarako Gurpegi eta De Marcos zalantza dira, zelaia utzi behar izan baitute lesionaturik. Ostiraleko partidari begira, gutxienez, inork ez du bosgarren txartelik ikusi.