RC Deportivo - Athletic Club

RC Deportivok 2 Athletic Clubek 2

Real Club Deportivok eta Athletic Clubek bina berdindu dute Riazorren. Iñaki Williamsek eta Aritz Adurizek aurretik ipini dute gure taldea, baina azken txanpan Lucas Perezek eta Arribasek bi eta bikoa ezarri dute.

Alternatibez beteriko lehia izan da. Talde biak aurrera begira zelairatu dira eta arriskua area bietan nozitu da, nahiz eta atsedenaldirako Williamsen gola bakarrik zenbatu den. Bigarren zatiaren hasiera zurigorria izanda, Adurizen gola heltzeaz gain, zalantzazko gola baliogabetu dio epaileak gure taldeari, baina etxekoek ez dute etsi eta azken hamar minutuetan justutzat har daitekeen berdinketa heldu da, guztiongan zapore mingotsa utziz.

Halaz ere, hirugarren jardunaldia da erreskadan Ligan galtzen ez dena, eta etxetik kanpoko bigarren berdinketa jarraian ere. Ohikoa den legez, etxeko hurrengo lehian, astelehenean Sportingen aurka hain zuzen ere, ona bihurtu behar dena. Tartean UEFA Europa Leagueko norgehiagoka zain daukagu ostegunean Belgradon.