SC Paderborn 07 - Athletic Club

SC Paderborn 07: Huth; Jans, Strohdlek, Hunemeier, Holtmann; Dörfler, Gjasula, Vasiliadis, Antwi-Adjei; Mamba eta Zolinski.
Aldaketak: Shelton, Kilian y Kapic (46’), Rumpf, Ritter, Bilogrevic, Schwede eta Hilssner (67’)

Athletic Club: Herrerín; De Marcos, Vivian, Yeray, Balenziaga; Vesga, Beñat; Larrazabal, Raúl García, Vicente; eta Kodro

Aldaketak: Simón (46’), Capa (67’), Núñez (67’), Nolaskoain (67’), Yuri Berchiche (67’), San José (67’), Sancet (67’), Ibai (67’), Muniain (67’), Córdoba (67’) eta Aduriz (46’)

Epailea: Roman Piechota. Txarte horiak: Yeray (8’) eta Kilian (63’)

Zelaia: Energieversum Stadion (Gütersloh)

0-1.Larrazabal (1´)
1-1.Zolinski (16´)
2-1. Vasiliadis (35´)
3-1. Antwi-Adjei (57´)
3-2. Córdoba (74´)
3-3. Muniain (89´)

HIRUNAKO BARDINKETA PARTIDU ZORO BATEAN

Athleticek hiruna berdindu du SC Paderborn taldearen aurka, azkeneko ordu laurdenean 3 eta 1eko bati buelta eman ostean Cordoba eta Muniainen golei esker. Partidu zoroa izan da, aukerekin, eta logikoa denez, asko igarri da orainarteko partidu falta eta jokalarien hanka astunak entrenamentu gogorren ondorioz.

Partidua ezin hobeto hasi da lehoientzat Larrazabalek partiduko 20. segunduan sartutako golari esker. Vesgaren pasea sareetara bidali du jaurtiketa bortitz batekin Huth atezainaren aurrean. Jokalariak zelaian kokatzen zeuden oraindik eta Garitanoren taldea aurretik jarri da markagailuan.

Baina SC Paderborn 07 taldeak ordu laurdenera berdindu du norgehiagoka korner baten irteeran, bigarren zutoinean, Zolinski-k buruz sartutako golari esker. Hortik aurrera aukera gutxi izan arren Athletic hasi da baloia hobeto mugitzen. Baia Vasiliadis-ek Alemaniarren bigarrena sartu du Herrerinen eskuadran baloia ipinita. Balenziaga izan da berdinketa lortzeko zorian Larrazabalen pasea aprobetxatuz baina atzelari batek kornerrera bidali du baloia.

Atsedenaldiaren ostean, Simon eta Aduriz zelairatu dira. Raul Garciaren bolea batek eta Vicentek errematatu ez duen Larrazabalen barnekaldi batek berdinketa gerturatu dute. Baina Alemaniarrek hirugarrena sartu dute 57. minutuan Antwi-Adjei jokalariak sareetara bidalitako kontraeraso batean. Ura edateko azkeneko atsedenaldiaren ostean, Garitanok bederatzi aldaketa egin ditu. Atezainak gaizki urrundutako baloi bat aprobetxatuz, Cordobak aldeak murriztu ditu 30 metrotatik sartutako baselina eder batekin. Yuriri egindako ustezko penaltia ere eskatu dute zurigorriek. Simonek geldiketa bikaina egin du Hilssner-en aurrean eta Muniainek berdinketaren gola sartu du 89. minutuan. Ohian Sanceten jaurtiketa langak desbideratu ondoren kapitainak ezkerrez sartu du hirugarren gola.