Granada CF - Athletic Club
- 55' R. de Galarreta (b.a)
- Williams 6'
KokapenaNuevo Los Cármenes , Granada
12.849 pertsona
Berdinketa gorabeheratsua Granadan
Athleticek aukera asko alferrik galdu ditu lehen zatian eta bi puntu bidean utzi ditu bere atean sartutako zorigaiztoko gol baten ondorioz
Zoritxarreko gau gorabeheratsuak urrezko bi puntu gabe utzi du Athletic Granadan, lehen zatiko nagusitasun argia alferrik galdu eta gol aukera handiagoak izan arren. Bigarren zatian, Galarretak bere atean sartu du aldaratze batean eta partida berdinduta itxi du. Lehoiek bosgarren jarraitzen dute sailkapenean eta larunbatean Atletico jasoko dute etxean.
Gau konplexua zen, bezperan hildako Antonio Trujillo Granadaren zaleari egindako omenaldi hunkigarria zela eta. Helburua zen partida ondo hastea, 17. minututik hasita, Iñaki Williamsen golagatik zegoen aldea sendotzeko.
Lehoiak kontzentrazio osoz zelairatu dira, eta atsedenaldira iritsi baino lehen aukera ugari izan dituzte. Pixka bat asmatu izan balute, 0-3ko aldeko emaitzaz helduko ziratekeen atsedenaldira eta, bide batez, norgehiagoka erabakita utziko zuketen.
Aukera pila horretan Nicok izan du lehena, nahita gurutzatutako jaurtiketa eginez. Sancetek beste bi oso argiak izan ditu, bata Andre Ferreirak saihestua eta bestea kanpora bidalia Guruzetak baloia utzi ondoren, atezaina gaindituta egon bada ere.
Azken aukera bat egon da Iñaki Williamsek langan jo duen burukada bikain batez, Galarretaren erdiraketa neurtua jaso eta gero. Granadak ia ez du sustorik eman atsedenaldira iritsi aurretik, eta gehiegizko sariarekin egin du topo Ricarden erdiraketa batean, kornerrera aldentzeko ahaleginean Galarreta sarera desbideratu duenean. Erabateko istripua izan da. Herrerak eta Paredesek bi burukada izan dituzte 1-2koa lortzeko, baina erremateak kanpora atera dira.
